剛從巴黎返港的Rosemary昨日出席apm雙頭動物展，首次看見雙頭龜和雙頭蛇的Rosemary大開眼界，她笑言：「啲雙頭龜好奇怪，唔知佢兩個頭會唔會一個想向左走一個就想向右走，同埋唔知兩個會唔會嗌交呢！」她又表示自己不怕蛇，她說：「OK㗎，唔係好驚。有次同朋友行山見到條好細條嘅BB蛇，我朋友拎起仲拋畀我，我唔知係咩嚟，接住咗，之後先睇到原來係條蛇，不過好細條所以我唔驚，我朋友本來仲諗住嚇我。」

另外，Rosemary又透露早前到了巴黎與名模呂燕一起為周大福行珠寶騷，問到此行可有艷遇？她即說：「冇。（冇男仔走嚟撩你同你傾偈咩？）我唔理佢哋。」而稍後她將飛往北京拍時裝Catalogue。