黃宗澤（Bosco）和劉心悠昨日一起為莎莎婦女銀袋日到跑馬地馬場試造型，兩人又互相為對方戴上帽子，之後更一起乘馬車。Bosco自言不太精於賭馬，但就會跟朋友夾錢買馬，問到他可會搭沉船，他說：「雖然冇贏過大錢不過都有啲斬獲，我有跟叻哥（陳百祥）買馬，有輸有贏啦。」日前有雜誌傳鍾嘉欣背林峯偷食，問到Bosco可有留意有關報道，他說：「唔知喎，我一向好少睇雜誌，不過啲字眼唔好咁肉酸，男未婚女未嫁，咩偷食啫。」

而心悠則覺得能住在跑馬地馬場附近的人很幸福，因那裏空氣好又可欣賞到馬匹奔馳，她亦希望能在那裏置業。不過她就未試過買馬，她說：「我好少賭，淨係新年時同屋企人打下麻雀。（識唔識騎馬？）我一直都好想試下，但係知道有一定危險，而且自己能力未必能應付，所以想自己練大力啲先。」