憑電視劇《巾幗梟雄》中「柴九」一角而人氣急升的黎耀祥（祥仔），由於形象健康，最近被萬福珠寶睇中，被邀拍攝平面廣告宣傳「甜心系列」，除有六位數字酬勞外，並獲公司的行政總裁謝勇送上鑽戒。

拍攝當日，祥仔被指定以《畢打自己人》中的「社長」造型拍攝，他坦言首次為珠寶宣傳，並笑言最想為樓盤及名車代言。身為廿四孝老公的他表示間中也會贈送首飾氹太太，他說﹕「男人搵嘅錢都係畀女人使，我自己因為要拍戲，所以連戒指都冇戴。（邊件首飾最難忘﹖）八年前同太太去南非旅行，送咗卡幾鑽石戒指畀佢，用咗我好多積蓄，但最難忘係太太只係戴咗兩年就唔見咗粒鑽石。」