王敏德與馬詩慧結婚多年，他前晚竟當着老婆面前與貝安琪嬉戲，而馬詩慧則埋首排騷搵真銀，並踩現今的o靚模怨言多多，與她年代的模特兒冇得比。

前晚王敏德、貝安琪和吳嘉龍為法國服飾品牌Eden Park香港首家專門店開幕任嘉賓，並有多名外籍模特兒行騷。此時王敏德和貝安琪同站在店門外，王敏德見行騷的外籍模特兒走近，即攤開雙手扮作保護貝安琪，兩人嘻哈大笑，之後王敏德更翹住貝安琪手臂合照，狀甚熟落。

排騷夠自由

其實當晚馬詩慧亦在場，但她忙於排騷，無暇理會王敏德與貝安琪嬉戲，她說：「我鍾意排騷，因為好高自由度，（行騷同排騷邊樣好搵啲？）工作量排騷辛苦啲，行騷就舒服好多，不過兩個滿足感唔同，（會唔會排o靚模啲騷？）我唔會抗拒佢哋，不過好難有同台機會，除非個品牌老少咸宜啦。不過我發覺依家啲模特兒好多怨言，後台窄啲又怨，衫窄啲又怨，我哋以前由朝到晚全日綵排都冇怨言。」

韓國見家長

此外，本身有韓籍女友的吳嘉龍，透露剛到韓國見女友家長，笑言已見過家長幾次，問到何時與女友拉埋天窗，他衝口而出說：「所以咪去韓國囉！」記者追問他是否已與女友在韓國結婚，他說：「唔係，只係少見佢，佢成日香港韓國兩地飛，結婚要畀時間大家考慮，等我搵多啲錢先。」他說女友的胞弟Myk Kim是韓國組合Edik High的成員之一，大讚對方唱功了得，正幫他來港發展。

文：名人組