今時今日如果你仍可以每晚準時五點收工，應要劏雞還神，然後好好的品嘗一頓安樂茶飯，其他晚晚O.T.的朋友，又不用羨慕，因為Shadow話只要犧牲一套劇集的時間，就可以煮出一道飽肚美味又健康的晚餐，用一小時可以完成兩道菜式，仲使乜出街食？

撰文：鄧善文

將南瓜、洋葱、蘋果等材料切粒。	加入欖油，油熱後放洋葱，慢火炒。再加入南瓜，慢火炒約五分鐘或至稍為軟身。	放入蘋果，略炒數分鐘後加入有機雞湯。煲十分鐘後，把湯倒入攪拌機攪碎材料。

攝影：陳世昌

食用前再倒回煲中煮滾，轉至慢火加入牛奶。	羅馬生菜切開，橙取橙肉。	帶子以大火煎香兩面。

晚晚煮　愈食愈健康

別以為身為Food Stylist的Shadow對煮食特別挑剔，其實她最怕出街食飯：「在家自己煮，可以控制用料，知道食落肚是甚麼。」而且Shadow太Enjoy煮食的過程了，所以即使每日工作有多忙，她都一定回家自煮自食，這個好習慣令Shadow所煮的菜式愈來愈簡單：「菜式簡單就可以在短時間內完成，咁就可以保持每晚煮食。」菜式雖然簡單，但變化一樣大，好像這次介紹的兩道菜，有湯有沙律，美味又健康，按部就班，不用一小時就可以完成。

把沙律汁材料撈勻。	把羅馬生菜、橙肉、帶子、合桃放在一起，食時才下沙律汁。	南瓜湯材料

帶子沙律

帶子沙律材料

Shadow（關琬潼）

材料：

帶子數片

羅馬生菜一個

合桃適量

橙肉適量

沙律汁材料：

檸檬汁、欖油、芥辣、鹽、胡椒粉適量

做法：

1.羅馬生菜切開，橙取橙肉。

2.帶子以大火煎香兩面。

3.把沙律汁材料撈勻。

4.把羅馬生菜、橙肉、帶子、合桃放在一起，食時才下沙律汁。

貼士：

1.羅馬生菜洗好後浸冰水，再入雪櫃，保持爽脆。

2.Shadow最愛沙律汁比例為一份酸，三份油，而酸汁可用橙汁、黑醋或紅酒醋代替。

煮持人──Shadow（關琬潼）

現為料理工作室及廚藝書屋主持人、Bonne Chere食品造型設計者。另為各飲食、傳媒機構擔任創作及顧問，曾推出多本食譜及散文集。