近日與天王郭富城傳出緋聞的王秀琳（Mango），地位身價一夜「升呢」，前日發現Mango富貴逛名店，狂試十多對名牌高跟鞋，最後埋單以一萬七千元買了手袋及耳環，相當豪爽！

多年來事業浮沉的Mango，自傳出介入熊黛林與郭富城之間的戀情，一夜升呢做「新城嫂」，人氣上升。前日下午六時許，Mango更身價三級跳到中環IFC連卡佛掃貨，狂試十多對名牌高跟鞋和手袋，最後購買了一個價值一萬五千元的YSL手袋，以及價值每對900元的耳環兩對，非常富貴。比起早前熊黛林陪來港探望她的母親及哥哥，只掃平民時裝，兩妞各有所好。

王秀琳到櫃台以信用卡簽帳。	素顏的王秀琳，霸佔成張座位試鞋，認真誇張。	熊黛林之前陪母親掃平民時裝。（資料圖片）

試鞋擺滿地

素顏上陣的Mango，專攻鞋部狂試高跟鞋和手袋，只見店員為她介紹最新秋冬款系列的高跟鞋，全是YSL、Chloe等名牌，每對五千至六千元，由於十多對高跟鞋放滿地，Mango霸佔成張座位，認真誇張。當她試到興高采烈之際，卻被記者撞破好事，她即大感無癮，轉身急急腳離開，走到櫃台以信用卡簽帳。

訴苦唔開心

Mango買了一個YSL新款手袋及兩對耳環便離開，而手袋更有專人送貨，當Mango拿着戰利品——兩對耳環離開名店時，友善地打招呼，期間又向記者訴苦，表示最近為負面新聞不開心，她說：「啲負面新聞寫到我形象好差，（買嘢減壓？）又唔係，咁啱畀你撞到買嘢啫，其實平時都有行街，（見你試好多鞋？）都冇買到，我買咗兩對耳環咋，（唔開心出嚟澄清吓？）我唔想回應太多，（咁有冇搵城城？）唔好問呢啲啦！」當她聽到城城兩個字，即急急腳走人。

文、攝：專案組