港姐出身的朱潔儀近年努力習畫，計劃舉行個人畫展！前晚，朱潔儀與曹眾等出席LV活動時，她就透露儲藏了過百幅個人作品，至於畫展舉行的時間表，朱潔儀說：「遲啲啦，依家仲睇緊場地。」

談到藝人秘密結婚一事成為城中熱話，朱潔儀坦言有跟朋友討論此話題，當被問到結婚會否公開時，她自爆：「如果我結婚，我會忍唔住口公布！」當被問到劉德華被指唔認老婆，她就力撐偶像：「佢同佢老婆都廿幾年，係上年結婚，呢段感情係要珍惜。」至於藝人公開婚訊會搞到fans流失，她說：「係自己畀自己嘅壓力。」