姚書軼和陳嘉容昨擔任Jean Paul Gaultier09秋冬時裝騷模特兒，對於三位o靚模Angelababy、周秀娜和諸葛梓岐鬥到日本，將會在Tokyo Girls Collection時裝騷上比併行騷，姚書軼認為每個模特兒都要具有自信，即使矮也可以備受注目，她說：「唔靚唔緊要，只要有自信就算好矮人哋都會見到你，（佢哋有啲都比較矮？）日本模特兒平均都唔高，所以企埋去唔會特別矮，（三人之中你覺得邊個最有自信？）睇啲報道，覺得周秀娜比較open啲，其實佢哋三個都見慣場面，要睇臨場表現。」

守時好重要

姚書軼續說：「自己行慣騷，有時都會緊張到手心出汗。（三個裏面最鍾意邊個？）三個各有優點，都係後生和靚女，個個OK，Kama（羅凱珊）都好甜呀！」

而陳嘉容認為做模特兒最重要守時，她說試過有模特兒遲到一小時，令全場人在後台呆等，但她不肯指名道姓，卻否認是o靚模。

姚書軼對於黎明樂基兒被揭已婚，她說：「上年傳過佢哋結婚，我唔理真定假，都即時恭喜過佢，我本身好鍾意黎明，佢係我細時心目中嘅白馬王子，所以好戥佢哋開心。」

放大圖片	陳嘉容示範的秋冬裝，後面露背較特別。