賭王何鴻燊與三太陳婉珍的千金何超蓮，前日與兩名女友人到銅鑼灣行街，超蓮穿吊帶長身衫、超短熱褲晒「長」腿，比起身旁兩位體形略胖的肥妹仔朋友，超蓮明顯索得多，故惹來不少男途人行注目禮。

當日約下午五時，超蓮先與朋友往戲院逛了個圈，隨即往附近商場行街，最後卻沒有收穫。之後超蓮拉着友人到景隆街一間台式飲品店，買了一杯12元的珍珠奶茶，未有即時品嘗，卻邊行邊搖杯飲品。其後再往咖啡店會合友人，逗留半小時，人有三急的超蓮要如廁。當發現記者拍照後，同行兩友人即折返入內，要超蓮叫她們出來。問到何時返英國開學，超蓮表示：「差唔多啦！（同朋友去睇戲？）佢哋畀你哋嚇走咗啦！我依家返屋企喇！」

此外，在附近亦見拿着香煙、挽着大袋東西的任達華路過，華哥見記者即匆匆把煙蒂熄滅，然後到附近停車場取車。