豬流感襲娛樂圈！model界亦不幸中招，模特兒莊思敏的妹妹莊思華兩周前亦證實確診，幸好她沒有被傳染。莊思敏出席活動時自爆妹妹感染豬流感，她說：「佢兩個星期前有啲感冒，我陪佢睇醫生，一check就證實確診。（咁你使唔使檢查？）因為我第二日要出埠做嘢，加上我冇病徵，所以冇檢查。」

思敏透露現時妹妹已康復：「佢好乖，食咗藥喺屋企自我隔離，唔算嚴重所以毋須入院。」問到可擔心男友吳浩康？她表示很難控制：「佢哋開工又唔可以戴口罩，惟有做好個人衞生清潔，帶多啲消毒用品囉！」