熱愛潛水的名模楊崢，早前拍攝第二輯《海底漫游》節目，有機會親近海龜BB，並大讚牠們有趣。楊崢表示跟海龜很有緣，當初也是為了海龜才考潛水牌，她說：「我第一次去潛水，當時喺宿霧，我仲未有潛水牌，嗰次我第一次好近距離見到一隻海龜游水，印象中海龜喺陸上行動好論盡，但估唔到佢游水嘅時候咁輕盈，泳姿好似天使咁靚，好難忘，依家每次潛水我都會好自然咁樣搵吓有冇海龜。」

今次與楊崢做對手戲的海龜BB，是海龜媽咪「香港2號」的下一代，拍攝當日她要協助五隻八個月大的海龜BB回歸大海，但其中一隻卻不肯下海，最後她們要乘船到海中心將牠放入海，她說：「工作人員話『香港2號』喺南丫島生蛋，所以要將BB喺嗰度放生，否則佢哋會迷路，依家海龜媽咪喺越南，啲海龜BB出海後，自自然然會搵到佢哋嘅媽咪。我最大心願係可以見到海龜媽咪生蛋嘅情景，就算唔沖涼唔瞓覺我都唔介意。」