服飾昂貴

據了解，東京秋葉原不時舉辦角色扮演活動，吸引唔少少女參加，好似現年十八歲嘅美惠子，四年前開始愛上動漫，更係一個不折不扣嘅角色扮演迷，無論大大小小嘅相關活動，佢都例必出席。

每當提到角色扮演，美惠子都會顯得眉飛色舞，佢最鍾意扮演日本動畫嘅少女角色，亦會經常以唔同扮相出外逛街，初時途人都對佢投以怪異目光，甚至試過畀人當眾指指點點，感覺有啲唔習慣，但過咗一段時間，反而覺得多咗人留意自己係一件好事，好有滿足感。

不過，要獲得更大滿足，就得付出更多，原因係角色扮演服飾絕不便宜。美惠子話：「如果喺專門店購買一套服飾，至少要三萬日圓，由於動漫角色相當多，亦不時有新人物出現，若然將所有鍾意嘅服飾都買晒返嚟，加上一啲小道具同飾物，睇怕每個月用十萬日圓都未夠，對於我呢種只能喺咖啡店做兼職嘅打工仔嚟講，更加係冇可能嘅事。」

酒店交易

為獲得心頭好，美惠子試過向屋企人攞錢，家人唔畀，就問朋友借，搞到身邊每個朋友都因此而疏遠佢。後嚟喺偶然機會下，搵到一個賺快錢嘅途徑。早前美惠子參加咗一個角色扮演組織，會員清一色都係女仔，佢哋同我一樣非常熱愛角色扮演，甚至可以話達到瘋狂地步，為咗心愛嘅服飾，呢班少女不惜出賣肉體。

「講真句，我從來冇諗過要用肉體去換取金錢，但眼見團友每個月都能夠換新衫，實在令我既羨慕又妒忌，結果透過某位團友認識第一個恩客，佢係一個中年男人，大家喺咖啡室見面，閒談一陣，然後就去咗附近嘅時鐘酒店進行交易。」美惠子又話，進房之後，嗰個男人先要求佢着住動漫角色嘅服飾，初時不以為意，點知呢個男人愈玩愈興奮，更唔小心整爛咗件衫，幸好對方願意作出賠償。

否認賣淫

第一次做兼職，美惠子表示並冇太大感覺，只係認為瞓喺床上一陣就能夠有錢，相比喺餐廳打工容易得多，亦賺得更多，最諷刺當男方不斷衝刺時，佢腦海入面只係買乜嘢服飾。自此，美惠子就開始聯同其他會員到處搵男士幫手，每做一次可以獲得三萬日圓。

其實呢位少女嘅行為睇嚟，同援交冇分別，之不過美惠子就唔認同呢個講法：「朋友應該互相幫忙，所以我唔覺得自己咁做有問題，亦唔覺得自己係賣淫，事關我唔會濫接客，亦因為只係短期兼職性質，我會挑選一啲合眼緣嘅男仔。」咁嘅藉口都得，真係畀呢種無知又毫無道德觀念嘅女仔激壞！

撰文：娟娟