周秀娜日前在公開活動上遭一男子以粗口侮辱，椋名凜表示在日本工作時未有遇過類似事件，但不諱言周秀娜過分性感及似AV女優，而Rainbow亦加把口暗寸對方衣着過火，表示自己不像對方般經常行性感。

椋名凜（Rin）昨日與胡心諾（Rainbow）齊齊穿上密實的日本浴衣出席PSP遊戲機活動。Rin被問到有否留意周秀娜遭粗口侮辱一事？她表示剛從日本返港，未有留意有關報道，但她直言覺得事件幾有趣。

的確係失禮

她說：「其實喺日本嚟講着得性感好平常，估唔到喺香港係唔好嘅。（有冇試過類似情況？）喺日本試過行街時畀人跟住同畀人係咁望住，如果有人對我講啲咁嘅嘢，的確係太失禮，我會嬲。（會唔會減少性感？）睇吓工作性質同埋需要。」

再問她可會覺得周秀娜太性感以及似AV女優？她不諱言：「都有少少，對於今次事件我覺得幾有趣。（周秀娜太性感？）其實喺日本我係Fashion model，但我覺得佢似水着女優。」

周秀娜前日出席活動時遭人以粗口侮辱。

Rainbow蒙眼玩遊戲，在旁的椋名凜表現肉緊。

以工作為先

而同場的Rainbow有留意有關報道，她表示：「啲人表達意見唔應該喺公眾場合。（有冇試過畀同學咁話你？）我啲同學好正常，唔會咁，今次我覺得呢個男人特別咗啲。（你會唔會好似周秀娜咁扮聽唔到？）如果係我，我都會係咁，我會以工作為先。」她又強調自己不似周秀娜般經常行性感，暗寸對方衣着過火。

文：名人組