近期o靚模風頭一時無兩，「八模兵團」的Evelyn與Anjaylia前晚升呢為UNiART時裝設計畢業展擔任頒獎嘉賓，而入行多年的趙嘉懿（Carrie）則為畢業展行騷。

對於升呢成為嘉賓，Evelyn與Anjaylia謙稱對此感榮幸，問到是否因寫真集而工作量大增，她們說：「公司一直有安排工作。（近排出入會唔會小心啲？）有助手喺身邊，平時出街唔會着得特別性感。」

至於Carrie直言因o靚模熱潮而影響工作，她說：「好多客戶都搵啲可以性感嘅人，但我哋唔同，我唔賣乳房只賣實力，希望呢個風氣快啲過。」她又認為o靚模負面：「呢個係社會風氣問題，以前我畀人睇，啲男人只係會偷望，唔會咁明目張膽，依家可能會追住你，仲會眼甘甘望你。」