任達華（Simon）與琦琦這對廿四孝父母，最近放下手上工作，趁暑假陪愛女任晴佳（Ella）到北京旅行，實地見識中國文化。他們一家三口到了北京旅行五日，期間去了天安門、故宮、長城、四合院等多個名勝，還品嘗了不少地道美食。但美中不足的是因任達華知名度太高，所到之處大受歡迎，無時無刻都被市民包圍要求合照。琦琦說：「我哋去到長城，啲人見到Simon不停包圍住佢要求合照，搞到場面好混亂，我哋自己連相都影唔到，去到天安門又係咁，我哋惟有同佢哋講，等我哋影完全家福再同佢哋影相。除咗Simon不停被要求合照外，Ella都好受歡迎，啲人見到佢同我講『你個女好靚，想同佢合照』。」

Ella雖然只有四歲，但已去過不少地方旅行，今次選擇北京，琦琦說：「Simon好鍾意北京，佢今次專程放咗一個月大假，陪Ella去北京玩，等佢認識多啲中國嘅文化。」