A女嬲豬中：「喂！呢幾日咁好天，不如去踩單車咯？」

無聊B子：「又係踩沙田同大埔呀？好悶囉！我不如去書展扮o靚模。」

A女嬲豬中：「唔係呀，我有啲Friend住天水圍，佢哋話識人帶團踩單車遊元朗。」

無聊B子：「去元朗食B仔呀？食過十萬次啦！好悶呀你！」

A女嬲豬中：「聽講話係遊南生圍喎，仲要係由住元朗嘅男仔帶隊，去啦！到時睇吓遇唔遇到靚仔？」

無聊B子：「好喎，去南生圍畀男生圍，good good good! :)」

A女嬲豬中：「夠啦！好爛呀！>_<」

11:30 揀靚車做Warm Up

出發前，先在BiciLine門市聽導賞員講解注意事項，然後到門外做熱身。當日共有十二個團友，所以有兩名導賞員同行。裝備方面，每人配備一輛已清潔消毒的爬山單車、頭盔，另有儲物櫃擺放團友物品。

開車前先熱身拉拉筋，不要Hea住做，熱身不足夠，腳部很易抽筋。	出發！頭尾有導賞員夾住，並以對講機溝通，團友可放心跟住踩。沿途有不少近濕地獨有的植物，導賞員會中途停下來講解。	蓮花塘種了近廿種香水睡蓮，夏天盛放時十分壯觀，是龍友拍攝勝地。
老鼠勒生長於離地較遠較高的地方，多混在紅樹林中。莖內長有鹽腺，將鹽分帶到葉面，可在葉面上發現鹽粒。根部有治肝炎及胃病功效。

13:00 食元朗黃油烏頭

踩了近一小時，團友開始肚仔餓，領隊帶大家到龍友勝地敬輝農場吃飯。敬輝農場由郭氏夫掃獨力經營。農場內種了各式蔬菜生果如大樹菠蘿、杧果、木瓜、茄子等，更設有優質魚塘養殖烏頭，大家吃的農家飯都是農場的農作物，烹調時絕不含味精，全是天然原味。炭燒烏頭更滲滿黃油，較在大海撈的更肥美。

查詢電話：3542 5231

炭燒烏頭 自家養的烏頭油分特別豐富，腹腔塞滿鹹檸檬，魚身撒上一層鹽，以蕉葉包裹後再放入自製炭爐內烤熟，充滿農家風味。	白切雞 雞本身沒甚麼特別，最特別是蘸雞的泰式雞醬汁，郭生說是一些當廚師的泰國朋友教他做，裏面有泰國香料、蠔油等，不辣卻香濃惹味。	農場養了罕有的角龜，由於是受保護動物，郭先生不會用角龜煲湯給大家飲。
鮮蓮花茶 $20/壺 在蓮花塘新鮮採摘，以原朵香水睡蓮焗製。妙在藍色的蓮花，泡出的茶色卻是微黃，滲出幽幽蓮香。	自家製豆腐花 $8/碗 農場大部分食物都是自給自足，這豆腐花是自家磨豆製作，滑滑溜富豆香，是年輕人最愛的飯後甜品。	蝦鬆炒通菜 自家種植的通菜，較街市吃到的幼身嫩口，菜味也特別濃。上面鋪上大量蝦米鬆，有天然的鹹鮮，沒有椒絲腐乳也一樣好吃。

14:00 探電影拍攝場地 17:00 坐橫水渡

「我要扮清兵！」「我要扮甄子丹！」「我想扮被禁錮嗰個！」團友仔去到南生圍的大草地，個個爭着要角色扮演，皆因這裏是電視劇及電影的取景勝地。偌大的草地，是古裝劇千兵萬馬的場地，荒廢村屋更經常成為電影中匿藏人質的場景，其中《導火線》就是在這裏取景。

廢屋也是龍友們及雜誌拍時裝照的拍攝勝地，不過這裏的蚊很兇，謹記要噴蚊怕水。	林蔭大道加上青青草地，讓人有肆意奔跑和打側手翻的衝動。	有心人在廢屋外牆繪上印度式圖案，在這裏拍沙龍很有美感。
美麗的基圍，讓人有恬靜的感覺。	回程時，在山貝河連同單車坐橫水渡離開，掉頭就已到岸。把握最後機會，在岸邊觀賞招潮蟹。

低難度南生圍線路線圖

所需時間：全程5小時

難度：★★（以5粒星為最高）

價錢：$190/位，包括單車、頭盔、午餐

日期：4人可成團，日期自由

備註：另備有輔助輪單車、雙人單車

查詢電話：2478 3880

網址：biciline.tungwahcsd.org

o靚仔社企

由東華三院賽馬會天水圍綜合服務中心策劃的社企BiciLine，08年夏天成立，提供區內生態旅遊服務及單車導賞服務。培訓天水圍區內青少年成為生態導賞員，向區外遊客推廣元朗自然生態景點，把區外資金帶到天水圍，同時為區內青少年創造就業機會。

阿東

17歲，BiciLine第五期訓練班導賞員，生於屯門，活躍於天水圍。

Kinki

20出頭，BiciLine第一期訓練班導賞員，有多次帶團經驗。

o靚模陳成

邊個話o靚模唔可以係男仔!

隊長Canji

東華三院賽馬會天水圍綜合服務中心社工，負責社企BiciLine項目。

撰文：陳惠賢

攝影：梁偉德

模特兒：陳成（Jade Image）