型男張震前晚以「奧迪英傑匯」大使身份出席假邵氏影城舉行的奧迪百年慶典，問到大會有否送車給他時，他稱自己有車，故不需要。對於緋聞女友舒淇早前被傳與馮德倫拍拖，張震坦言有看過報道，但二人是否真的拍拖，他就不知情，他說：「淨係知佢哋係好友，呢啲係人哋嘅私生活，冇理由咁奇怪打畀佢（舒淇）問。（有冇拍拖？）喺北京訓練辛苦，連屋企都少返，邊有時間拍拖。」他透露現正忙於為電影《一代宗師》練功，對於同片的梁朝偉受傷，他大表關心：「我會問候佢，希望佢快啲好番。（你有冇受傷？）有，冇咁嚴重，只係瘀咗。」

而同場的Amanda S.最近忙於上甜品訓練課程，她說：「之前米芝蓮嘅食評家來港，我有幫師傅一齊整，緊張到手震。」問到近期少露面，是否被o靚模搶工作，她否認：「只係外面少咗活動同時裝騷。」她又透露稍後會為無綫到亞洲落後地區拍攝特輯，並需打定防疫針。