葉翠翠昨日以bra top舞衣出席活動，大跳肚皮舞。酥胸半露的她，上圍明顯比以前豐滿不少，翠翠回應上圍「突變」時，表現得支吾以對，並堅稱豐滿效果由bra top造成！

昨日，葉翠翠、o靚模劉欣宜（E Cup Baby）和郭穎橋應邀出席「勇闖埃及冒險之旅」揭幕禮，三女以肚皮舞舞衣上陣，即席示範肚皮舞，吸引不少途人圍觀！以bra top舞衣上陣的翠翠，胸前忽然偉大，上圍直逼E Cup Baby，成功搶去不少風頭！

眾女即場大鬥舞技。

相比起「胸湧」的翠翠，封胸的劉欣宜（左）大為失色。

不時以手護胸

不過，當翠翠被問到豐滿效果是否靠托胸所賜，她就指記者的問題太直接，回應時顯得支吾以對，她說：「唔識答，好尷尬，（升Cup？）冇呀，其實冇關係呀，可能係件衫嘅問題啫。」翠翠坦言試身時，也被舞衣的設計嚇親，不過見E Cup Baby和郭穎橋也有類似打扮就放心。問到會否擔心跳舞時上圍會出現「胸湧」情況，她表示不擔心，笑言跳肚皮舞主要靠扭腰。現場所見，翠翠跳舞時，不時刻意以手護胸，對大會要求擺出舉高雙手的甫士，她並未有照做，顯得相當避忌。

擺脫o靚模稱號

另外，以tube top打底的E Cup Baby就收起性感，強調不怕被搶風頭，並自爆將進軍主持界，她說：「我會學唱歌、跳舞，已經簽咗一間國際性嘅電視台，會做時尚節目嘅主持人，唔使講英文㗎，就算講英文我都應付到！」被問到是否要擺脫o靚模稱號時，她就大講爛gag：「o靚模係人哋畀嘅稱呼，我會叫自己做normal（正常）！」

而郭穎橋回應好友劉俐（藍莓）被指出席飯局，她透露藍莓因此而感到不開心：「佢話清者自清，（有人搵佢去飯局？）靚女實有。」至於她自己，就自嘲樣子不標青，沒有被人問過！

文︰名人組