鍾意食Buffet多數係貪佢選擇多，實會搵到心頭好；而主攻貴價食物更可令價錢變抵，即係回本。朗庭酒店L'Eclipse嘅自助晚餐一向多嘢食，由即日至8月31日更以「龍蝦及鮮蠔大匯演」做主題，特別炮製傳統、創意俱備的龍蝦菜，包括法式芝士焗龍蝦、龍蝦鱈魚餅配茴香甜酒忌廉汁及龍蝦粒燉蛋等，龍蝦粉絲絕不能錯過！

除此，生蠔吧每晚供應三款新鮮空運即開生蠔，還增設烤爐及備有八款配料，包括脆香羅勒麵包糠、蒜子橄欖油、鮮番茄龍蒿醬及胡荽葉牛油等各具特色，讓你自選配料即場烤蠔。

這款龍蝦刺身配粟米籽餅，細細件，一啖食出多種好滋味。

龍蝦粒燉蛋像平日食到的日式蒸蛋，但加入龍蝦粒後，令海鮮味道滲進滑蛋之中，更好食。

撰文：楊淑英

查詢電話：2375 1133