呢期天氣都幾反常，有太陽就要把握時間出去玩！Szeki本來約了一大班朋友仔去海灘，點知去到竟然一個人都冇，搞到佢要乾煎呆等！Szeki決定利用iPhone 3GS最新功能，將所有道具收埋晒喺海灘不同角落，等你班人搵餐飽。唔知喺邊？出番部iPhone 3GS咪知囉！

指南針扮羅庚睇風水

「收埋喺邊個方位好呢？」Szeki當然不是在鑽研風水方位，而是在想將水槍、水泡等海灘用品收藏於邊個方位先最刁鑽！iPhone 3GS內置指南針功能，啟動後可即時知方向。如果想定位，亦可以立即啟動地圖，新版地圖可以隨着手機移動而轉動畫面，確保行對方向。Szeki將所有方位Bookmark之後，再用MMS將方位發給朋友，迫佢哋每人搵一件寶物，認真狡猾！

今日東邊係財位，就收埋最貴嗰件道具喺東邊！	備有自動轉向功能的地圖，在定位時，顯示當時位置的藍點會多一條光束，用以分清方向。	指南針介面清楚顯示現在方位。

語音控制搵朋友用把口

經過一輪努力，不經不覺又過咗半個鐘，Szeki剩低一兩件道具，但已一手都係沙。「打電話去催吓佢哋先！」但得番右手，點算？Szeki此時長按Home鍵，對住手機講：「打畀Mary！」手機自動致電Mary手機，過程不費吹灰之力！iPhone 3GS新加入的「語音控制」功能，支援以不同語言例如廣東話、國語，及英語等操作，除了可用來叫手機打電話之外，亦可以控制音樂播放功能。例如叫手機播不同歌星或是跟播放中音樂類似的歌曲，甚至可以問手機「這是甚麼歌？」來叫手機讀出歌名資料。

「打畀Peter！」如果Peter有不同聯絡方式的話，手機會提用家講出是打「手機」、「公司」或是其他號碼類別。

語音控制介面簡單，在任何程式運行中均可操作，而且辨認率十分高。

拍片剪片留下最好玩一刻

朋友終於到了！Szeki決定在沙灘的一角暗自拍低朋友的尋寶過程。iPhone 3GS機背的相機提升至300萬像素，雖然像素不高，但支援觸控對焦，Szeki幫朋友影相時必定對焦準確，不怕拍錯隔籬。除了像素提升，iPhone 3GS亦支援拍攝每秒30格的VGA解像度短片，方便Szeki將朋友仔搵寶物的趣怪表情攝入鏡。拍完片後，可以在手機上將最精彩片段剪輯好，再將影片上載到YouTube，朋友們回到家可能已發覺自己成為點擊率最高的YouTube之星，厲害！

拍低Mary徒手插沙的情形先！	拍照時，只要在拍攝對象的位置一點即可對焦，方便到極。	拍完片後，預覽介面會多了一格格畫面的Timeline，方便用家剪裁最精彩的片段。
鏡頭配置和上一代一樣。

遙控搵電話包冇遺失

「喂Szeki，你收埋支水槍喺邊呀？」朋友仔幾經辛苦，終於搵到Szeki及大部分寶物。此時，Szeki太興奮，諗住轉換水槍收藏位置時，將部iPhone 3GS 都埋咗入沙！不過唔使擔心，皆因iPhone 3GS備有Find my iPhone功能，只要用家有MobileMe帳號，及在手機啟動Find my iPhone功能，就可用電腦登上MobileMe，利用手機的GPS定位功能找出自己的手機。如果用家認為已畀人執咗，在MobileMe介面亦可以選擇發出訊息到手機，方便和拾遺者聯絡。

好彩搵得番，買咗一日唔見就唔抵啦！	用家可打入訊息提醒拾遺者，亦可強制響鬧以提醒附近有失機出現。	MobileMe介面有地圖顯示手機於最後啟動的所在地，方便用家追蹤。
訊息會Push到手機上，由於是用手機IMEI作出追蹤條件，就算被人換Sim卡，或是只連上Wi-Fi，都會有辦法將訊息推至手機上。	Tethering功能可將手機的連線（包括Wi-Fi及HSDPA）透過藍芽或USB分享。3HK用家不會被收取額外費用，但齋買機使用其他台的用家要留意收費。	3HK iPhone 3GS月費計劃

撰文：周雁秋

攝影：胡淑儀、周雁秋

模特兒：Szeki（Angelcast）

查詢電話：3162 8888、800 908 988