前日Longchamp新店開幕，原本出席嘉賓名單上有周汶錡的份兒，但後來作出更改，曾與周汶錡傳緋聞的吳嘉龍反而榜上有名。

被問及周汶錡的法籍男友Julien狼吻女新人一事，吳嘉龍趁機揶揄Julien說：「好多男人都係咁（指偷食），我覺得佢好蠢，咁唔小心，女仔去玩就唔會畀人見到，（周汶錡都去玩？）唔係，等我教Julien幾招，以前我呢方面好有經驗，（你同女友感情點？）有啲緊張，女友向我逼婚，不過佢係我最後選擇。」

吳嘉龍父親吳耀漢早前在《志雲飯局》訪問中，暗踩周汶錡眼角高又愛錢，吳嘉龍不禁多謝父親，又自嘲生得矮兼冇錢，暗寸周汶錡看不起自己。