趙式芝前晚拋胸出席活動，卻被同場的Christopher搶盡風頭。曾與名模Rosemary離合過N次的Christopher宣布二人再次分手，並聲稱女方的父母不喜歡他，因他令Rosemary變醒。他又透露曾勸Rosemary要遠離某人，暗指Rosemary曾被對方利用。

前晚Longchamp位於機場客運大樓的新店開幕，裴蓓、蔣欣妍及Christopher獲邀擔任模特兒。日前有傳Christopher將召開記招，當事人否認說：「我只係想試探某個人，我SMS咗一個人話開記招，想證明呢個人係咪講大話。」他又稱在三年前已警告Rosemary要小心該人，不要被利用，但Christopher卻拒絕透露該人的身份及SMS的內容。

放大圖片	趙式芝中門大開，拋胸上陣。

冇屋企人先一齊

談及與Rosemary的關係，Christopher坦言二人已分手數月：「分手係私人原因，我仲好愛佢，等佢冇晒朋友同屋企人先可以一齊。（佢家人唔鍾意你？）任何人都唔鍾意我，佢阿媽阿爸都唔鍾意我，佢哋唔想Rose變得咁醒目，我教佢用腦。」Rosemary曾表示有前男友偷食，Christopher指自己絕對沒有，亦不會說謊。

Julie叫女返教會

事後記者致電Rosemary母親Julie，她哈哈大笑說：「Christopher講嘅嘢我冇意見，所有嘢都交畀神，惟有聽神嘅說話先有智慧。」她又謂會鼓勵女兒返教會。

另外，同場的趙式芝以超低V裙拋胸到場，性感爆燈，她表示：「我唔記得咗帶打底背心啫。」記者大讚她胸部結實，她竟即場叫記者驗胸說：「你要摷吓先知。」認真「乳」出驚人。

文：名人組