狄波拉（拉姑）雖然廚藝了得，但就很少會下廚，昨日她與丈夫鬍鬚Kong出席好友的烹飪書記者會時表示自己沒有那份熱誠，久不久煮一次就ＯＫ，她說：「試過我手勢嘅都係同我好熟嘅或者係我嘅至親。（有冇試過栢芝同婷婷嘅手勢？）無喎，咁後生使乜煮㗎，廿幾歲唔係做呢啲嘢嘅，等第時佢哋想煮時嚟問我，我先教佢哋啦。」

最近有報道指婷婷帶男友安志杰回家吃飯，問到拉姑可有見過對方，她說：「我有見過。（覺得佢點？）好穩重，成座山咁，覺得佢可以保護到我個女。（放心畀婷婷同佢交往？）我細個時都同過好多個交往先揀定。（婷婷未認定佢喎？）由得佢哋，唔使認定住㗎，你睇電視都唔只睇一個台啦。」