出張服務

好多人以為日本男士嘅性能力過人，就好似AV入面嘅男主角咁，做足成個鐘頭都未會「腳軟」。其實AV經過剪接等後期製作，唔可以盡信。事實上，日本男性嘅能力並唔係想像中咁厲害，早前日本一個成人網站進行咗一項問卷調查，受訪一千八百多位成年男士當中，大約有五成四人承認跟女伴交歡時，會出現不舉嘅狀況而導致未能完成過程。為咗重振雄風，除咗醫院之外，好多男士都會走去幫襯一啲專門治療性能力出現障礙嘅診療中心。

至於呢次介紹嘅「鼠徑部‧癒俱樂部」，係一間提供性治療嘅風俗店，但經營及治療方法就同正統嘅診療中心有好大分別。首先，呢個俱樂部只提供出張服務，即係叫「外賣」，客人有需要嘅話，就可以打電話去預約，然後上門或到指定時鐘酒店作交易。

騎呢玩法

至於點解叫做「鼠徑部」？其實鼠徑意思係指大腿內側，由於呢間俱樂部嘅所有玩法都係集中喺男士下身，尤其係大腿內側嘅各個敏感部位，所以負責人索性將俱樂部改名為「鼠徑部」，等大家一睇就會大概估到有乜嘢玩。而服務方面，據網站嘅資料，分為白虎、朱雀、青龍及玄武四種玩法，價錢由10,000至27,000日圓，除咗按摩腳部、臀部之外，仲有多種照顧布袋位及前列腺嘅服務，負責人於網上表示，以熱敷配合按摩，不但可以令男士朝氣勃勃，更具有治療不舉功效。老實講，呢啲噱頭嘢，可唔可以令男人回復勇態，咁就真係見仁見智。

表面上呢間俱樂部係為男士提供治療服務，但實際上只係掛羊頭賣狗肉！當客人享受完按摩服務，之後囡囡就會自動脫光衫褲，然後入正題。

中女居多

到風俗店尋刺激嘅男士，大多數都希望搵番個年輕貌美嘅囡囡服侍自己，但呢間俱樂部似乎會令一眾玩家感到失望，事關喺裏面工作嘅囡囡，清一色都係中女，年齡大約三十至四十歲。想搵美少女陪玩，恐怕會失望而回，但鍾意玩刺激玩意嘅朋友，肯定會感到回味無窮。事關喺俱樂部工作嘅囡囡，多數係喺大型夜店出身，久戰沙場，不但經驗十足，更練得一身上乘床上功夫，只要客人願意付出，就算任何高難度玩法，佢哋都樂意奉陪。

另一方面，為咗迎合「治愈」嘅主題，呢班囡囡仲會喺提供服務之前換上看護制服，呢種制服誘惑，絕對係唔少男士嘅至愛，唔知大家有冇興趣試玩咁呢？

不舉港男諱疾忌醫

一項於2006至2007年間進行嘅調查發現，約有七成男士從未就「不舉」問題向醫生求診，未曾向社工求助嘅比例更高達八成。調查顯示，超過四成五「不舉男」嘅年齡介乎31至40歲之間。明愛性治療服務表示，唔少男士性觀念存在謬誤，以錯誤嘅標準要求自己，引致性生活上唔能夠放鬆，長此以往心理產生嘅內疚及焦慮情緒將造成不舉問題。

該組織透露，超過六成男士喺接受專業嘅輔導治療之後，不舉問題均已解決，呼籲男士一旦患上因心理因素造成嘅不舉，應盡快求醫，並建議夫妻雙方應學習正確嘅性知識，並且多作溝通，令性生活變得正常，先能夠避免不舉問題。

撰文：娟娟