不說不知，原來「台灣第一名模」林志玲（Chiling）是個浪漫之人，來港出席名錶活動時表示曾親自弄製甜蜜回憶錄，記載與男友拍拖的溫馨片段，相信令不少中、港、台男士甚為妒忌！

昨日林志玲以Longines的優雅大使身份從台灣來港剪綵，所謂貴人出門招風雨，Chiling一到場便落大雨，乘坐白色林寶堅尼的她身穿Gucci白色晚裝裙，雍容華貴，氣派十足，吸引逾半百傳媒採訪，現場還有保安及警察維持秩序，Chiling魅力非凡，期間不少途人冒雨駐足圍觀。其後她即場示範一隻價值39,600港元的La Grande Classique腕錶後，大會更贈送她全球限量20枚、價值10萬港元的Longines Les Elegantes 2009 Collection女裝鑽石腕錶。

Chiling獲贈價值10萬元的名錶，並由品牌副營業總裁Charles Villoz即場為她戴上。	放大圖片	林志玲乘林寶堅尼到場，氣派十足。

讚港男溫柔

Chiling表示只來港一天，希望能抽空shopping：「香港係購物天堂，我好想買啲最新嘅fashion items返台灣，香港真係乜都好。（港男未必好過台男？）我未同香港人拍過拖，但我認識嘅香港男仔都好溫柔！」問到男友有否送過名錶給她？她笑說從未收過，也沒有送過名錶給男友：「我只係送畀我家人。（男友送過乜名貴禮物畀你？）我個人好易滿足同知足，一餐晚飯已OK！（男友有冇做過手工藝送畀你？）冇，通常都係女仔做，我自己就送過一本書，係記錄我哋拍拖回憶。」記者其後打趣問她會否叫男友送名錶？她撒嬌地指着記者說：「不如你哋送畀我呀！」

拒談言承旭

至於再被問到有指言承旭在金錢上援助她？林志玲沒有正面回答，只說最重要是態度表明自己立場：「成日被人問同類問題都會有啲煩，但最重要表達人生價值觀，唔好再講呢啲嘢啦！」輕輕將話題帶過。

文：名人組