靚模橫行，沒有激凸身材，可愛靚樣一樣夠殺，不過近日A.Lin（裴殷）靚樣被質疑非純天然，前晚她出席活動時，坦承當日被騙，接錯廣告整錯容，不過現時已回復天然。

A.Lin、「新邦民女」陳嘉寶、「益力多妹」Evelyn Choi（蔡穎恩）等七位靚模前晚出席香港青年協會網上電台uChannel的宣傳活動。

放大圖片	七位靚模前晚出席網上電台的宣傳活動。	陳嘉寶（左）與Evelyn兩位靚女分別有被人非禮的不快經歷。

象腿唔會打針

A.Lin被翻舊帳指她06年打針整容，她說當時初做模特兒為工作而打，並多次強調現在是純天然︰「嗰時唔知係咩工作，佢哋同我講係外國好流行嘅療程，可以維持三個月，之後我冇再打，我唔再需要。（接唔接受整容？）每個人要求唔同，我好滿意自己個樣，亦唔敢整容。（你唔認係你？）我冇唔認。（打高鼻？）我只係試，之後冇再整。（覺唔覺得畀人呃？）覺得……」此時身邊工作人員為怕她說錯話，即問她是否真覺被騙，A.Lin即時情急改口︰「冇呃到。」她說雖然自己的腳很肥，冇考慮打針瘦腿，寧願多做運動減肥。又說若寫真集賣得好，不介意裸露再拍。

Annie G.着tube top加短褲騷長腿，成指定動作。

Hailey一坐低即以手按大腿，以防走光。

兩靚模被抽水

「新邦民女」陳嘉寶、「益力多妹」Evelyn Choi在電台中與聽眾分享自我保護心得，免被非禮，陳嘉寶試過搭港鐵被人追住三個車卡來偷影patpat，她即以手機反拍，等對方尷尬。又說：「試過喺火車畀人揩吓揩吓，我覺得佢係有心嘅，即刻呆咗，我唔肯定係咪重要部位。（你之前有冇試過？）未試過，我未拍過拖。（仲係處女？）of course！」

至於Evelyn小六曾收過性騷擾電話，聽到呻吟聲，內容好露骨，感到不安，她說：「我又試過喺港鐵畀個男人撞重要部位，後來先知畀人博懵。去泳池游水又畀人踩到唔應該踩嘅地方，所以女仔要小心保護自己。」

文：名人組