李彩華與王傲山多次被影到親熱照，亦時常出雙入對，但依然否認拍拖。昨日她出席仁愛堂活動，但不見王傲山在場，問她是否代男友出席活動？李彩華即說：「佢已經冇做總理，我哋唔係拍拖，我係仁愛堂大使，今次來做司儀。」兩人早前還被拍到見家長，又拖手又錫，她說：「我哋唔係見家長，只是見長輩朋友，我依家單身。人人都有機會，啱傾就得，但進一步就要再觀察。」

李彩華再被問到近期G模大鬥性感，她表示性感要睇場合，她說：「好似有次有個活動有小朋友，但又露肉就唔好，不過學佢哋話青春乜都得，但真係要睇場合。」至於會否覺露太多肉？她即暗示：「總之日日睇報紙都見到，不過每人有權利做自己嘅嘢。（怕不怕被搶飯碗？）大家唔同類型，我唔會因為咁而去改變自己，唔覺得工作受到影響。」