近日見到好多報紙雜誌介紹林林種種的雨靴，其實雨靴早在上一年的春夏季已經開始興，我還以為這個潮流玩一季就會玩完啦，哈！誰不知過完個秋冬季，凍一凍之後，熱潮仍然未散，延續到今年，如果你上一年，仍然未入手，今年你一定不可以不買。

可能你不買雨靴的原因，是因為雨靴好焗腳，香港已經又濕又熱，仲要着住對長到上膝頭的膠水鞋？咪玩啦！我又不是賣魚勝！着咩鬼嘢水鞋呀！畀阿媽見到，佢第一句肯定話：你係咪傻㗎？

不過，我想講，其實着雨靴，真的不是太熱同焗腳，唔使太過擔心，再加上香港這幾年雨水特別多，不是黃色暴雨警告就是紅色黑色，你都應該試過大雨到成對鞋濕晒入晒水，褲腳又濕埋，簡直想死，如果着雨靴，真的方便同企理好多！腳又唔會濕又唔會狼狽到爆…

再加上今年有好多大牌都有出雨靴湊熱鬧，好似西太后就第一次出雨靴，四個好西太后的顏色組合，而鞋面就用上了令西太后揚名立萬：1981年的海盜系列其中一個曲線圖案，夠晒經典！

所以今年你個鞋櫃入面，無理由連一對雨靴都無！潮流達人！

時裝設計師