做番阿蛇（Sir）嘅「Laughing哥」謝天華，近日接獲線報，隻身闖入蟲蛇混雜嘅「Reptile Corner」（爬蟲角）。面對變色龍、6呎長蜥、重磅巨龜等異獸，不但毫無懼色，仲睇到眼都唔眨，不禁要讚一句：好嘢！

近日進駐銅鑼灣「寵物街」的「Reptile Corner」（爬蟲角），堪稱異獸大本營，全因店主搵嚟一班斤両十足嘅爬蟲坐鎮，論大份有蘇卡達陸龜、綠鬣蜥，論罕見則有阿達拉伯象龜及變種蜥蜴，難怪店內經常嘩聲四起！

鎮店之寶普通陸龜跟蘇卡達陸龜排排企，真係小巫見大巫。	翻版孔雀 一身幻彩顏色嘅孔雀針蜥，可以話係A貨孔雀。詐死係佢嘅另一絕技，一受驚就反肚，四腳朝天，笑死人！$300起	翻版孔雀四腳朝天。

星級推介

呢間咁有Talking Point嘅爬蟲店，唔少人慕名而來，連人氣急升嘅謝天華、靚靚港姐周家蔚都係捧場客！

變身最出「色」嘅變色龍，隨時因應心情、環境變出紅、橙、藍、綠等色彩，真係變幻莫測。$5,000	白化蜥蜴 泰加蜥（又名南美蜥）屬地棲蜥蜴嘅一員，一得閒就走去挖地洞，本身又黑又白，竟然變身「白化」品種，夠晒罕見。$30,000	日式格局 參考日本爬蟲店格局來布置，清新光猛，有別於一般爬蟲店嘅暗沉設計，可謂爬蟲界潮店。

細個嗰陣養過巴西龜，所以有份情意結。近日就買咗兩隻豹龜，老婆同狗仔不時伏喺缸邊欣賞，場面都幾搞笑！

波波蛇 蛇不一定「打蛇餅」，仲識得扮波波！球蟒一旦受驚，就會將身體捲成球狀，Cute到冇人有！$300起	達人駐場 阿南和阿豪皆是爬蟲達人，各有十多年飼養經驗，不時出入繁殖場「起底」，又會飛到非洲、美國、日本等地睇爬蟲展，有晒最Update資訊，稱得上係爬蟲界嘅「Adam鄭」。	放大圖片

呢間店好乾淨、冇異味，可以慢慢參觀。我就睇中咗雨林蠍，聽店員講，有啲蠍子並非想像中咁毒，仲可以用手摸吓添，真係好新奇！

豹龜特色：一身豹紋，性格溫柔。$680起

雨林蠍特色：毒性輕微，甚少發動攻擊，可放在手上把玩。$300

撰文：梁淑敏

攝影：方偉堅

查詢電話：2892 8884