時下青年性方面早熟，Amanda S.也直言現時性愛資訊氾濫，很難叫女孩子不偷嘗禁果，當年其開通的法籍父親教她要肯定自己覓得愛郎才可談性，將來她也會教女兒小心勿犯「大錯」。
模特兒Jocelyn與丈夫Anthony前晚舉行為尼泊爾街童籌款興建學校的晚會，不少香港一線模特兒都響應出席，包括Amanda S.、陳嘉容、姚書軼、Ana R.、Lisa S.等，令Jocelyn大為感動︰「真係好開心，大家都好支持，不過晚會只係開始，會一直繼續籌款，遲啲我同老公會過去尼泊爾睇學校開幕，希望可以組團一齊去。我同老公想助養多十個小朋友，500港元就夠兩個小孩一年生活費。」她又透露晚會籌得13萬5百元港幣，雖與40萬仍有距離，但有信心可達標。
隨德蘭修女做義工
Amanda坦言希望能擁有自己的基金幫助別人，但相信要待退休後才能實現。自小已當義工的她，13歲到印度隨德蘭修女做服侍，來港後又到「母親的抉擇」做義工，對於時下女生在性方面十分早熟，Amanda直言跟社會風氣有關︰「依家好難叫啲女仔保守，因為度度都會有性，電影、雜誌全部都講到，所以要教啲女仔好好保護自己唔好犯大錯。我媽咪好保守，嗰時佢叫我唔好有（婚前性行為），但係爸爸就明白依家唔係50年前，女仔無可能廿歲就結婚，所以叫我一定要小心，同埋要肯定嗰個男仔係愛我嘅。」
而對於前緋聞男友陳冠希有意復出，Amanda覺得要交由觀眾決定︰「如果觀眾唔接受佢，講咩都無用。（仲有其他慾照？）我唔知，因我冇同佢做過呢啲嘢，不過呢件事對啲女仔好慘，希望快啲過去。」
姚書軼未敢買股票
姚書軼則表示助養了一名尼泊爾小童，對方還會定時給她寄書信，現時與男友「分居」的她，又謂一定會當媽媽︰「要搏殺多兩年，養個細路要四百萬。」她續稱現時股市反覆，加上仍是「蟹后」，故未敢入巿。
文：名人組