前晚陳細潔（Abbie）以一身小鳳仙打扮出席「保良局慈善粵劇晚會《唐明皇》」，她表示該小鳳仙裝束購自歐洲，不過卻不敢在歐洲穿上，否則會被誤會為「小姐」。

談到感情生活，Abbie自言近期有不少年輕追求者：「朋友話可能經濟唔好，所以啲人想搵個有錢女朋友，我梗係唔會搵個食軟飯嘅。（接唔接受姊弟戀？）太年輕好難溝通。」她透露有相士指她會在兩年內結婚，但她卻較喜歡獨自生活故完全不心急，她說：「除非愛得好緊要，要日日對住啦，但仲未搵到。（搵人介紹？）唔會，亦唔會上Facebook識人。」