日本先後爆發多宗豬流感（H1N1甲型流感），但許晉亨舊愛徐綺雯（Candy）卻大無畏，打算不戴口罩於月內再出發到日本！向來好學的Candy，原來上月已到當地進修日文，回港後更出現傷風感冒症狀。她說：「我當然即刻睇醫生，仲自我隔離，好彩係普通傷風啫！喺當地都見到人戴口罩，原來係櫻花盛開，有啲日本人驚有花粉症先至戴。」
為期一個月的日本之行，Candy除了每天上學外，課餘更與同學歎美食、賞櫻花及浸溫泉。她說：「真係超好玩，食咗好多美食，又認識到嚟自唔同地方嘅同學，好難得。」
月內她會再到日本繼續進修，但無懼當地疫情，並自有一套防疫妙論：「其實最緊要係患者戴口罩，減低傳染性，冇病嘅人戴口罩都唔可以完全避免被傳染，因為病菌都可以由眼部進入，所以我冇諗住戴口罩，就算當年沙士都冇。」