索女減壓
雖然疫症喺美國爆發，但樂天知命嘅美國公民，情願冒生命危險都絕不會匿喺屋企等死，好似班辦公室女郎咁，每日返工不斷咁做刻板式工作，更係令佢哋感到非常煩厭。有見及此，美國邁亞密有班辦公室女郎就搞搞新意思，推出咗個叫做「比堅尼星期五」嘅室內派對，專為佢哋減壓及重過多姿多采嘅夜生活！
據大會負責人史曼花指出：「呢個派對最大嘅特色，不但例必於星期五舉辦外，而所有女性玩家，全部都係辦公室女郎。事關我哋覺得辦公室女郎日常工作已經非常忙碌，而為咗應付工作，我哋當初舉辦呢個派對嘅目的，其實只係希望能讓辦公室女郎放下日間溫文爾雅嘅面具，喺晚上盡情咁放縱自己，於是我哋就諗出喺星期五晚舉辦呢個別開生面嘅派對。」
其實呢個派對舉辦已有一段日子，從07年至今已踏入第三個年頭。當初只係專為女士而設，其後由於玩家反應非常好，於是帶埋佢哋嘅朋友到場。史曼花笑道：「我覺得呢個派對之所以如此吸引，除咗因為辦公室女郎嘅號召力外，派對嘅內容亦係其中一個原因！」
舞台抽水
究竟呢個派對內容有幾咁特別，可以從一個最初只得四、五十人嘅小型派對，變成現今有三百多人參加嘅辦公室女郎盛會呢？原來大會要求所有參加派對嘅辦公室女郎，當晚都要穿上最性感嘅衣服，務求可以脫下一身套裝，放下「假正經」，以最性感暴露一面示人！難怪一眾靚女都穿上最少布、露得最多嘅比堅尼、性感小背心襯熱褲，將平日收收埋埋嘅美好身材騷出嚟，搖身一變成為火辣索女！
既然靚女都經過精心打扮，大會當然唔會畀佢哋收埋自己，一於將佢哋擺上枱！大會推出咗個「舞台抽水戰」，讓靚女們有大顯身手嘅機會。比賽方法非常簡單，靚女們逐一上台行「貓步」，男人就喺台下出言「抽水」，假如你唔怕醜，即使上台同囡囡跳辣身舞都冇問題。最後邊位靚女得到最多嘅掌聲為之優勝者，獎品係當晚香檳任飲及猛男陪跳舞。
火辣舞孃
咁養眼嘅表現，靚女們玩得喪，睇嘅男士更大呼過癮。玩家艾錫表示：「平日嘅辦公室女郎都表現得斯文非常，加上一身套裝，本身已經非常吸引。估唔到喺派對內，佢哋個個變晒做性感迷人嘅索女，竟然另有一番魅力！除咗佢哋性感嘅打扮令我印象難忘外，佢哋火辣嘅舞姿更係吸引。為咗可以得到大家嘅尖叫聲，靚女們喺舞台上不斷地扭動身軀，演出一幕幕極盡官能刺激嘅辣身舞。雖然名為比賽，但佢哋則視作一種減壓方法，不論勝出或落敗，佢哋都興奮非常！」男人攞正牌，當然玩得爽啦！
撰文：祖