以「Cheap星精神，服務地球人」為宗旨嘅Cheaperman除咗樂意為地球人，每日外出格價，為大家推介至平至抵嘅服務以及貨品之餘，亦致力探討歷史知識。今日，Cheaperman收到隊長嘅指令要搵資料，所以就決定勇闖九龍城！大家可能會有疑問：九龍城美食多多，但係同歷史又何關係呢？咁就等Cheaperman帶大家見識一下，了解九龍城嘅歷史啦！
古蹟如畫
專門為地球人服務嘅Cheaperman，今日收到指令要為隊長收集資料以作出書之用。Cheaperman再次出動，一來為完成指令，二來亦希望借此行為大家發掘更多至平至抵情報，今次Cheaperman就落到九龍城四處搵料。當Cheaperman一去到九龍城，好拍檔眼鏡仔先生就有所顯示，仲將Cheaperman引領到極具歷史價值嘅九龍寨城公園。
Cheaperman感受到非一般嘅風光，因為佔地二萬九千平方米嘅寨城公園，前身係昔日有三萬三千人居住之九龍城寨，而興建之時，更由建築師參考過中國園林風格而設計，令參觀嘅遊客有如置身於清初一樣，來自Cheap星嘅Cheaperman當然有與別不同嘅感覺啦！
了解歷史
Cheaperman一邊參觀寨城公園，一邊思索城寨之名如何得來，整個過程，欣賞到好多園林景致，衙門、古井、石碑以及柱礎等歷史文物。然而，Cheaperman突然間好似大受打擊一樣，點解呢？因為Cheaperman見到一座大炮，一座用以保護城寨居民安全嘅大炮，而Cheaperman記得小時候曾經聽爺爺講過，地球人慣以威力強大嘅大炮保衞家園，令Cheaperman確信此處的而且確曾經有一座城寨出現！及後，Cheaperman更加從公園內嘅資料了解好多有關九龍城以及城寨嘅歷史資料。想知Cheaperman此行仲有咩得着？大家就要Click上ontv，由Cheaperman帶大家遊覽一番喇！
Hot Click三甲
NO.1 UFO西瓜
勇闖九龍城嘅Cheaperman遊完寨城公園之後，繼續為服務大家以及完成隊長指令而努力，轉眼間就走到侯王道一間水果店。Cheaperman入內一看，登時嚇咗一跳，因為發現除咗佢之外仲有UFO嚟到地球！不過，仔細觀察之下，Cheaperman就發覺UFO原來係一個造型創新又特別嘅西瓜而已！除此之外，經過店長介紹，Cheaperman亦見識到好多來自日本嘅嶄新食品，例如各式口味獨特嘅杯麵，以及日本最新出品嘅飯珠。要知各種新奇獨特嘅產物有咩特別，大家就要Click入ontv喇！
NO.2 宇宙第一辣
見識過UFO西瓜以及各種日本特色食品之後，Cheaperman都有多少肚餓，呢個時候Cheaperman被一陣香味吸引，原來附近有一間特色串燒店。呢間位於福佬村道嘅串燒店以獨門配方烹調印尼串燒，一向都大受歡迎，令Cheaperman情不自禁要一嘗其串燒之美味。不過，當Cheaperman食咗一啖之後，就發覺串燒所用嘅魚露辣汁辣得驚人！Cheaperman辣到要封佢做「宇宙第一辣」！幸好，老闆娘及時為佢獻上解辣秘方，至於此解辣秘方有幾奧妙，而串燒又有幾辣呢？Click上ontv大家就一清二楚喇！
NO.3 古怪精品
一次過嘗盡印尼串燒之美味以及宇宙第一辣之後，Cheaperman再次起行，繼續暢遊九龍城，途中被一間售賣古靈精怪貨品嘅店舖所吸引。經Cheaperman了解之後，發現此處所售嘅貨品全部都古靈精怪，極具特色，可以講得上係坊間難尋。全因為大部分貨品都係由老闆以及老闆娘到外地旅遊時收集，所以貨品千奇百怪樣樣齊全，當中甚至有部分精緻又有「味道」，實在值得一遊。至於有咩貨品咁值得欣賞？Click上ontv就知道啦！
撰文：崔敬賢