早前回復單身的趙式浩，昨日出席La Maison du Chocolat新店開幕，被問到找到女朋友未，他說：「冇，意中人都冇，遇唔到，你估買棵菜咩，要講緣分。（你要求高？）我要求係女人囉！老竇都有介紹女仔畀我識，不過唔啱，隨緣啦！」他謂雖然經常往返內地工作，但就沒有發生異地情，也沒有女仔向他投懷送抱。
趙式浩透露自己正積極減肥，最肥時有180磅，他說：「目標係要減多10磅，依家一個禮拜打兩、三次tennis，同埋食得健康啲，我老細（父親趙世曾）都食得好健康、又勤做運動。」他又表示擔心豬流感（H1N1甲型流感），自己亦有戴口罩。
同場的羅穎怡因打理家族生意，有一半時間都在上海無錫，她說：「好悶，又冇朋友，晚晚食飯都係自己一個。」雖然有人追，但她謂還沒有拍拖。