本文重點
模特兒陳嘉容（Eunis）繼修讀珠寶設計後，早前開始修讀試酒課程，實行增值自己。
Eunis認為飲酒是一門生活品味，以前不懂欣賞，只覺得酒又苦又難飲，不過，當她試過靚酒後，發覺是兩回事，並產生興趣。試酒課程分為四個等級，Eunis已修畢第一級並考試合格，順利晉升第二級。由於每次上堂，學生也要試幾款酒，第一次上堂時，Eunis便差點喝醉，她笑言：「我因為飲咗酒，好high，所以不停笑，啲同學好擔心我，以為我飲醉咗，仲問使唔使送我返屋企。」
愈學愈覺好玩
除了要品酒，還要學習出產地、釀酒過程與食物的配搭等等，Eunis直言愈學愈覺好玩。現在Eunis對酒已略知一二，她還教大家品酒：「首先要用肉眼，睇吓酒嘅顏色深淺，有冇雜質；第二用鼻聞，會聞到唔同香味或者係咪變壞；第三係用口試，要大啖含一口，令酒可以完全包住條脷，再慢慢感受吓先吞。」
現正單身的Eunis被問到會否對懂得品酒的男士特別有好感，她坦言：「咁如果對方都識品酒，大家會多啲話題，可以溝通到。」
場地：Thai Lemon Grass（蘭桂坊）