超級品牌LV前晚假廣東道旗艦店舉行《MUSE》藝術展，Rosemary、鄧愛嘉、錢景峰、孫光華等亦有出席湊熱鬧。
多年來與媽咪Julie關係惡劣的Rosemary，近日與母關係日漸修復，她更透露母親節因工作關係，帶媽咪一起到北京，她更謂會寫張卡給媽咪，問她會否寫「媽咪你唔好再嬲我」？她說：「呢樣嘢都係我最希望，我依家同佢已經好咗好多！」
此外，對於近日又被發現與Christopher出雙入對，她忽然忍唔住笑，並說：「我哋好少見面，影到一次又話我哋成日一齊！我都唔知點講！」
