金融海嘯無損2R的創業大計，兩女連同胞妹一同投資過200萬元在新加坡開設內衣店，近日兩人四處張羅性感內衣，未來更會加入自己設計的牌子。
前晚Nespresso CitiZ舉行酒會派對，出席名人包括有2R、汪圓圓、廖碧兒、貝安琪、陳見飛及滕麗名等。2R甫見記者即透露其生意大計，Rosanne說：「6月會喺新加坡開內衣泳衣店，間舖頭係我哋三姊妹夾份開㗎，會用細細妹個名命名，叫做Rondavous，因為我哋成日唔喺妹妹身邊，所以當係送畀佢嘅禮物。」2R又謂現在不時要四出選購內衣，Race笑說：「依家屋企有好多性感內衣。」又表示將來會設計自己品牌。
此外，汪圓圓被問到老闆黃百鳴是否不滿金像獎賽果？她說：「大家都知最佳電影係最尾個獎，可能佢坐咗兩個鐘攰啫，所以知道得獎嗰刻都呆呆哋！」