Kama近日是非不絕，前晚她為時裝匯演行騷時表示拍完寫真後將到日本發展兩個月，乘機避開是非。而身為同門師姐的Mandy Lieu覺得模特兒應有錢一齊搵，有飯一齊食，認為師妹不用爭。
羅凱珊 （Kama）前晚與Mandy Lieu、諸葛梓岐和A.Lin（裴殷）等一眾G模以及樂壇新組合Square為wtc more時裝匯演擔任模特兒行騷。當中Kama表示經過被指與張文慈爭位坐一事後，學會了要看清楚座位才好坐下。至於可會覺得自己是個易惹是非的人，她說：「唔知，可能呢排比較黑。（嚟緊工作有咩計劃？）我拍完寫真之後就會去日本發展兩個月。（可以避一避是非？）都可以嘅。」
與何尚謙冇可能
當晚她還與Square成員緋聞男友何尚謙同台，對於傳出緋聞，Kama說：「我哋同公司去吓街好小事。（有冇發展機會？）暫時冇，工作為先，我唔覺佢追我。」何尚謙則讚Kama是個好女仔，覺得Kama為人爽快率直，相信是非應該是誤會。
對於Kama近期是非多多，問Mandy可會撐她，Mandy表示對傳聞並不知情，當得悉後她即謂：「我覺得有錢一齊搵，有飯一齊食，大家一齊努力，錢係搵唔晒嘅，唔使爭。Kama同Angelababy有機會去日本發展，希望佢哋會成功，為香港人爭光。」
誓死唔着比堅尼
另外，諸葛梓岐將會拍攝寫真並預計在今年書展推出，她自言是走High fashion路線，她說：「同其他嗰啲Style好唔同，所以唔怕競爭。（性感底線係咩？）低胸同露腿，一定唔會着比堅尼，我淨係會匿喺洗手間着住自拍，游水都唔會着，驚媽咪嬲。（男朋友要求你着呢？）睇吓我開唔開心先。」
文：名人組