李妮昨日以總理身份出席博愛醫院戊子己丑年董事局交替就職典禮，出席此就職典禮的嘉賓還包括林建名女兒林煒珊。李妮表示自己是在朋友推薦下，首次出任博愛總理，她說︰「我有時間同體力咪幫助更多有需要嘅人，依家金融海嘯，社會有更多需要，唔係錢問題，係有冇人關心佢哋，我都想接觸啲有需要嘅老人家同小朋友。（經濟唔好，籌錢困難？）相信都係，惟有做多啲，總之希望大家多多益善，少少無拘。」
李妮又表示自己開設了production公司九年，負責從事media consultant之工作，公司現已上了軌道，故此有更多時間回饋社會，問到會否忽略家人？她笑說︰「唔會，首先我要屋企人同意先做，佢哋好支持我。（老公有冇財力上支持你？）當然有，佢乜都同我一半，總之有錢出錢，有力出力，我哋依家冇小朋友，可以爭取機會去做善事。」