任達華失落影帝琦琦送花補數

任達華雖然未能奪得今屆金像獎最佳男主角，昨日身為老婆的琦琦出席LeSportsac活動，同場還有馬詩慧及女兒。當琦琦被問到老公可有失望時，她說：「冇，有提名已經係贏咗，下次應該輪到佢，今次雖然輸咗，但佢好大方，覺得得獎者都係實至名歸，佢已經連續獲提名咗五年，總有一日個獎會係佢嘅囊中物，呢個都係我嘅夢想。」

琦琦又說自己已頒了獎給老公︰「佢喺我心目中已經係最佳男主角、最佳爹哋同最佳老公，我自己每日都頒個獎畀佢。（有冇送禮物畀老公？）我送咗紮花畀佢，叫佢繼續努力，出年再嚟過。同埋我希望佢好似花咁樣開花結果。」她又讚得獎的男女主角都演得很出色，如果老公明年再獲提名，她一定會親身到場為老公打氣。