本地靚模是非不斷，貴為國際模特兒的呂燕前晚出席周大福活動時，認為這種不良競爭根本是多餘，巿場比排名重要。而同場的模界大家姐馬詩慧亦勸告後輩應多做事少說話。
前晚珠寶品牌周大福舉行2009周年傳媒晚宴，品牌國際推廣大使呂燕、王敏德與太太馬詩慧、著名攝影師馮海均盛裝出席，場面熱鬧。對於近期G模不和事件，呂燕坦言不認識Angelababy及Kama，問到在內地會否有模特兒不和情況，她說：「唔會，大家都係朋友，可能內地巿場比較大，每場騷用好多人，競爭冇咁大。喺海外行騷，大家都唔會介意出場先後，設計師鍾意用年輕嘅臉孔打頭陣，至於衣服係設計師安排，亦都冇得爭。」
直指排名冇所謂
至於會否覺得這種競爭不健康時，她直言這是多餘，並笑言：「無論出場前定後，反正收嘅錢都一樣。（咁做可以爭排名。）排名由邊個決定？係巿場決定一切，排名冇所謂。」
而同場的王敏德與馬詩慧（Janet）透露下月八日是他們結婚17周年，問Janet想收甚麼禮物時，她說禮物不重要，並謂：「一家人開開心心食餐飯、睇場戲就好開心。」談到近期G模風波，Janet表示：「佢哋比較進取。（有乜告誡新人？）做好自己，多做事少說話，好似我咁。」
怕細女變女姚明
另外，Janet昨日帶同大女曼喜及細女麗嘉出席手袋活動，身穿吊帶裙的麗嘉坐下時，波罅乍現，Janet搞笑地說：「快啲搵嘢遮住。」現年十三歲的麗嘉已有五呎九吋半，比姐姐還要高，麗嘉得戚地說：「真係慘。（邊個慘？）當然係家姐。」Janet笑言怕她日後變女版姚明。
文︰名人組