日前在香港上機之前，遇上幾個嘴藐藐的地勤，認真激氣！我真心要鬧爆佢哋！我今次是要投訴某航空公司的地勤人員，非常之不禮貌不友善不親切，而且態度輕佻兼乞人憎，簡直不知所謂！我使唔使鬧得咁嚴重？要！因為我對得住天地良心，我發誓我無鬧錯佢哋㗎！不過嗰3個地勤就一派胡言，砌詞狡辯……
負責睇住全部地勤的所謂地勤組長，連我坐嗰班機延遲起飛成個鐘都懵然不知，仲喺我面前大聲夾無準，命令我快啲入閘！你話呀？要個客話番畀你知班機延遲起飛喎……你點做組長？畀你一個字：𤓓。
另外一個地勤，我叫佢幫我寫低個名，佢好寸咁同我講我唔寫！要寫就借筆畀你！呢個究竟係咩地勤嚟㗎！竟然連一個最普通的英文名都話唔識寫？你再話啦？乜請啲地勤原來唔識字㗎？嘩！我真係無話可說……
仲有呀！當你話要投訴的時候，嗰個組長的態度，我仲以為我同邊度啲大家姐講數咁，一張投訴表格拍落枱面，叫我填咗佢！咩事呀！你哋啲地勤咩事呀？我真係好希望航空公司可以畀個合理的回覆我！
時裝設計師