本文重點
上半年中國發射的ABS-S電視衞星正式啟用，為全國免費提供電視廣播，EIGHT便搶閘推出CS801機頂盒，讓香港用戶都能盡覽北至黑龍江衞視、中央電視台，南至廣東衞視等47個內地台。最吸引是定價$880送埋衞星接收碟，毋須月費就可以任睇一世！
撰文：鍾鎮科 查詢電話：2728 9948
衞星接收 安裝簡便
以前睇衞星電視是昂貴玩意，一來要安裝巨型衞星碟，二來又怕訊號不清，所以中央指定ABS-S新制式為全國用戶作廣播，就算是內地山區和偏遠地區，無法拉天線和接收電視頻率的用戶都有機會睇到衞星電視。其安裝相當簡便，駁上一隻直徑45cm的衞星碟就搞掂，代理表示衞星碟只要望到天空、最好向住西南方就收到標清訊號，仲可提供EPG節目名單、43個電台節目和即時信息服務，包括新聞及時事資訊，並可預報72小時全國天氣，北望神州就係咁簡單。