四太懶理有人反對

保良局前總理林依麗入稟高院，反對賭王何鴻燊四太梁安琪以姨太身份擔任保良局總理，四太昨日出席沙田馬場賽馬日時說：「我諗我要回應嘅嘢就係現今社會我出心做慈善，點解會有人反對？依家唔係打官司爭家產，點解咁文明嘅社會會有啲咁嘅事？佢點解要咁做就要問番佢喇，因為我唔識佢，都係傳媒講我聽我先知呢件事，多謝大家關心。如果大家支持我，我會繼續做慈善。」她會如期參加明日（7日）的就職典禮，事件完全沒有影響她心情。賭王亦力撐四太說：「唔使睬佢（林依麗），鬼理佢，咩都有人講㗎啦！」

拍拖梗係啜啜

對於千金何超盈與「翻版曹承佑」當街咀嘴，賭王為愛女超盈護航說：「拍親拖梗係啜啜㗎啦！」在旁的四太反問記者：「使唔使我哋啜畀你睇？」她亦支持超盈的戀情說：「最緊要佢哋兩情相悅，反對都冇用，我唔可以代表個女去拍拖，情到濃時當然係咁，佢哋係年輕人，有叫佢喺公眾場合要小心留意有冇記者，我都同何生當住你哋面前咀嘴。」

四太梁安琪做善事只求出心，不是博出位。

何鴻燊與四太力撐超盈拍拖啜嘴好正常，一於馬照跑。