絲絲講場：硅谷最紅CEO得十歲！

CoderBunnyz嘅創辦人兼行政總裁Samaira Mehta妹妹，6歲已經識寫電腦程式，8歲開公司出隻同名Board Game教其他細路寫程式，一年賣出過千套！佢喺硅谷已經搞咗60幾場Workshop，有超過二千幾個「學員」！今個學年，美國已有百幾間學校用佢隻Game教學生。

估都估到，佢有個喺Intel做電腦工程師嘅阿爸。阿爸擺佢出嚟做噱頭？No啦。科技巨企包括亞馬遜，爭住請Samaira去科技會議及創業大會演講，見識過佢喺台上嘅表現，大人都冇聲出。

科技巨企吼住請

有間全球都識嘅科技巨企仲Book定佢，話等佢讀完書一定請佢。不過Samaira話自己鍾意創業多啲喎！

佢仲搞埋慈善平台為學校同團體募捐器材與錢，目標係全球10億兒童有足夠資源學寫程式。既宣傳又行善，有晒Business Planning！

佢第二個新Board Game「CoderMindz」已出街，教細路AI（人工智能）概念與介面嚟整機械人，今次佢搵埋6歲細佬Aadit幫手！

余絲韻