香港人Wealth行先過Health？香港財務策劃師學會八月做嘅調查發現，港人無論邊個年齡層或收入係點，講到財務目標，第一樣都係置業（61%），其次係退休準備（46%），第三先到醫療開支（45%）。
以上講嘅係有目標嗰啲，原來有四成受訪者係冇制訂財務目標，喺月入萬五或以下群組中，冇財務目標比例尤為高，達54%。唉，絲絲明嘅。
講到退休後嘅收入來源，最多港人諗住靠銀行儲蓄（28%），其次係諗住靠股票/債券/基金等投資（20%）同埋強積金（16%）。預靠仔女養嘅只有6%，明嘅，今時個個都話「成功靠父幹」，仔女顧得掂佢哋自己已經叫好叻，唉！
余絲韻