話說深圳上市公司中順潔柔（002511.SZ）上周喺深交所發「股東回饋活動」公告，話為答謝投資者長期對公司支持，股東可以一蚊人仔買三包公司嘅新產品紙巾（喺天貓賣緊原價51蚊人仔），公告仲提供埋QR Code直駁天貓！
深交所轟涉及宣傳訊息
公告一出，深交所即出監管函炳公司，話份公告夾帶產品廣告訊息、刊埋網店QR Code、仲用埋啲「高端生活，品味潔柔」同「更優質、更舒適體的生活用紙產品」等宣傳語句，違反上市規定，責令公司董事會「及時整改」，杜絕問題再發生。
深交所喺監管函最尾，仲提醒公司，違規者，公司全體董事同高管要承擔個別及連帶責任咁話。知驚未？
余絲韻