絲絲講場：港人供仔女讀U貴絕全球

滙豐《教育的價值—成功有價》調查報告顯示，香港父母透過加班、犧牲假期，甚至貸款嚟支付子女於大學期間嘅各類費用。當中85%受訪家長係以日常收入支付，甚至有18%需要借錢來畀。好彩嘅係，18%家長有特設嘅教育儲蓄，但比例低於全球嘅20%。

92%學生兼職 賺埋經驗

面對經濟壓力，唔少父母為支持子女完成學業而犧牲個人生活，當中56%會削減假期，43%表示減少了外出用餐、睇戲等休閒活動開支，甚至有23%為咗咁延長工作時間甚至做兼職。呢筆錢真係有血有汗！

眼見父母咁辛苦供書教學，做仔女嘅又點？有92%香港學生會從事兼職，高於全球比例嘅83%，在全球受訪15個國家及地區中排名第三。

擔心啲學生為錢而荒廢學業？啲受訪學生話，讀書期間做兼職，除咗為賺取額外收入，更重要係累積工作經驗，提升第時就業競爭力咁話喎。

點都好，各位好孝順啲，第時為人父母你就知點解！

余絲韻