絲絲講場：基金之神成功靠搏命

講起三十之危，絲絲就諗起上周89歲生日嘅「基金之神」博格爾（Jack Bogle），佢投資超過半世紀，經歷唔少風雨，但最難過嗰關，一樣係佢三字頭時，不但做咗一生最後悔嘅投資決定，亦差啲冇咗條命。

佢大學一畢業就入Wellington Fund做，31歲正搏殺，有日忽然心劇痛，發現自己先天心室發育不良，自此不時心臟病發！

佢一隻腳踏入死門關，另一隻腳繼續搏命爬，36歲已經上到Wellington高位，仲做咗個公司合併嘅決定。估唔到，就因為佢落嘅呢個決定，搞到自己七四年被炒，佢當時已經係CEO！

就係咁，佢索性自己出嚟創辦領航基金，領航今時管理資產逾5萬億美元，連股神巴菲特、大鱷索羅斯都對佢推崇備至。

博格爾忠告年輕人：「每個打擊都只不過係生命嘅一啲干擾，唔值得太在意！」

佢65歲時做心臟移植手術，畀佢執番條命，佢醒番第一句就話「畀支筆同簿我」，想立即開工！基金之神一生，一字記之曰：搏！

余絲韻